Tuesday, January 25, 2011

Ca' the Yowes - Robert Burns

for Mary Kate




Ca' The Yowes To The Knowes
by Robert Burns

Chorus
Ca' the yowes to the knowes,
Ca' them where the heather grows,
Ca' them where the burnie rowes,
My bonie dearie.

Hark, the mavis' e'ening sang
Sounding Clouden's woods amang,
Then a-faulding let us gang,
My bonie dearie.

We'll gae down by Clouden side,
Thro' the hazels, spreading wide
O'er the waves that sweetly glide
To the moon sae clearly.

Yonder Clouden's silent towers,
Where, at moonshine's midnight hours,
O'er the dewy bending flowers
Fairies dance sae cheery.

Ghaist nor bogle shalt thou fear -
Thou'rt to Love and Heav'n sae dear
Nocht of ill may come thee near,
My bonie dearie.

Fair and lovely as thou art,
Thou hast stown my very heart;
I can die - but canna part,
My bonie dearie.

1 comment:

Melissa said...

Lovely. I also like The Cast singing Ye Banks and Braes. And speaking of Scottish singers, Dougie MacLean.